航母威武萬民讚 國教潤物細無聲

早排林鄭話要令香港孩子有國民身份認同，又建議喺幼兒階段開始培養「我是中國人」概念，反對派即時起曬弶，話擔心「國民洗腦教育」借屍還魂，連教育局副局長人選都要上綱上線，抹黑抹紅無所不用其極。其實計功夫茶話齋，言教不如身教，後生仔親身接觸國家嘅進步，本身就係最好嘅國民教育。
呢嗱，好似「遼寧號」航母來港咁，用孟子嗰句「簞食壺飲，以迎王師」嚟形容，最貼切不過。上過去參觀嘅市民都對艦上裝備之精良，軍容之鼎盛讚不絕口，當中有年輕人話海軍經歷幾代人艱苦奮鬥，國家終於有自己嘅航母，今次有幸參觀覺得好感動，相信講出唔少市民心聲。
可惜吖，連後生仔都明白嘅顯淺道理，偏偏洋奴漢奸詐傻扮懵，漢奸黎旗下嘅「爛果報」一味玩抹黑，唔係話遼寧號「噴黑煙」「汙染空氣」，就係話艦身掉漆生銹，再唔係引述所謂軍事專家，聲稱遼寧號同美國航母比屬「第二流」，總之彈到一文不值，如果唔係太多市民通宵排隊撲飛工程師波斯提安駕駛列車行至彎道路段時加速致列車出軌，爛果報分分鐘夠膽死老作有關方麵請人做媒參觀。
呢啲奇談歪論，真係駁都嫌費事。如果美軍戰艦真係好似漢奸們講到咁英明神武，天下無敵，號稱全球最先進嘅美國神盾級護衞艦早前被菲律賓籍貨櫃輪撞到，就唔會損毀嚴重兼多人死傷啦。冇錯，中國航母技術起步比較遲，亦係靠改裝人哋二手艦起家，但洋奴漢奸們冇聽過「彎道超車」咩？當初中國發展高鐵技術，何嘗唔係借鏡日本、德國等先進國家，今時今日中國高鐵咪一樣輸出全球各地，證明「中國速度」唔係講玩。假以時日，中國航母技術後發先至，反超美國，一啲都唔出奇。
唔理爛果報點樣唱衰，遼寧號風靡香港市民係鐵一般事實，證明人心向背，亦證明爛果報逢中必反嘅陳腔濫調，已經愈來愈冇市場。壹淫媒播獨不遺餘力，結果調查顯示支持獨立嘅年輕人大減兩成有多；每年七一前夕壹淫媒吹雞叫人上街吹到牙血出埋，結果上街人數創多年新低。所以話，你可以欺騙所有人於一時，亦可以欺騙部分人於一世，但無可能欺騙所有人於一世。國家發展一日千裏，有目共睹，市民又唔係傻嘅，仲邊會聽你漢奸黎點？
身為天主教徒嘅漢奸黎，應該聽過《聖經》呢一句︰「凡事都有定期，天下萬務都有定時，生有時，死有時，栽種有時，拔出所栽種的，也有時。」佢老哥反中亂港，栽種嘅大毒草害人害物，反正都折墮到要搞「假自僱，真裁員」，倒不如自行了斷，早日息勞歸主！
原文地址：http://orientaldaily.on.cc/cnt/news/20170710/00190_001.html